Josu Elberdinen egokitzapen musikala da Hirira, piano, klarinete, biolin, perkusio, korurako eta abeslari bakarlarientzat, Paul HindemithenWir bauen eine Stadt obran oinarritua.
Easo Abesbatzako haurrek sortutako opera honetan, kantuaren eta sormenezko dantzaren bidez, eta eszenografia moldakor eta ludikoak lagunduta, umeok askatasunez eraikitzen ari diren hiri imajinarioaren zirrikituak ezagutuko ditugu. Haien parte-hartzea funtsezkoa izan da sormen-prozesu osoan eta operaren alderdi guztietan (eszenografia, musika, testuak, dramaturgia, jantziak…), eta beren hiri ideala litzatekeenaren gaineko ikuspegia, balioak eta ideiak proiektu osoaren gidari eta oinarri izan dira.
Hirira ikuskizunak bizileku ditugun lekuak birpentsatzera gonbidatzen gaitu.
Adina: 8 urtetik aurrera.
Fitxa artistikoa
Musika: Paul Hindemith
Eszena zuzendaria: Mafalda Saloio
Ekoizpena: Donostiako Musika Hamabostaldia eta EASO Abesbatza
Iraupena: 55 minutu
Saioak
Maiatzak 11: 18:00
Maiatzak 12: 12:00 eta 18:00