EASO ahots mistoen abesbatza -

EASO ahots mistoen abesbatza

2006 urtean sortua, EASO emakumeen abesbatzaren emakumeen ahotsek eta EASO abesbatzaren ahots grabeek osatua da. Batzuk eta besteek ibilbide zabala eta frogatua egina dute eta bildu egiten dira EASO ahots mistoen abesbatzan, talde mistoentzat bereziki konposatuak diren errepertorioak lantzeko.

Hasiera eman zion bere bideari Mozart-en "Die Entführung aus dem Serail" opera interpretatuz, Donostiako Musika Hamabostaldiko 67. ekitaldian. Abesbatzak maiz parte hartu du Donostiako Musika Hamabostaldiko opera produkzioekin: P. I. Tcjaikovsky-ren Iolanta, W. A: Mozart-en La flauta mágica eta Las bodas de Fígaro, G. Verdi-ren La Traviata, G. Pucciniren Tosca eta Madama Butterfly, eta J. M. Usandizagaren Mendi-Mendiyan.  Toulouseko Kapitolioko Orkestra Nazionalaren  abonu sasoiko P. I. Tchaikovsky-ren Eugene Onegin eta Pariseko Pleyel Areatoan 2010. urteko sasoian parte hartu du.

Madrileko Zarzuela Antzokiak produzitutako hainbat zarzueletan ere parte hartu du abesbatzak (P. Sorozabal-en La tabernera del puerto, R. Callejaren Las Bribonas, R. Chapí-ren La revoltosa). Guzti honek, abesbatzari izen handiko hainbat orkestrekin lan egiteko aukera eman dio: Toulouseko Kapitolioko Orkestra Nazionala, Euskadiko Orkestra Sinfonikoa, Bilboko Orkestra Sinfonikoa edo Balearetako Orkestra. Abesbatzarekin batera aritu diren zuzendarien artean daude Tugan Sokhiev, Leopold Hager, Günter Neuhold, Pietro Rizzo, M. A. Gómez Martínez, Antoni Ros-Marbà, Yi-Chen Lin  edo Giuseppe Finzi besteak beste.

Zuzendaria: Gorka Miranda Blanco

coro EASO abesbatza

Pribatasun politika-Legezko oharra / Politica de privacidad-Aviso legal